旺角有笋嘢，帝京 x Benefit吃完仲有化妆品送

踏入新一年，女士又系时候为自己打扮一下，正在烦恼买咩新化妆品，不如食下嘢先啦！今年帝京酒店餐厅狮子楼同化妆品牌Benefit Cosmetics合作，于1月至3月推出梦幻粉色系下午茶，食完仲有化妆品送，唔驶再谂买咩化妆品啦！

茶点款式一共有14款，款款都好精致，当中有部分茶点更加入咗Benefit产品嘅元素，如果你系Benefit嘅粉丝，应该有一种熟悉嘅感觉，我哋即刻睇吓有咩食先！

食物底层一如以往系咸点，包括有牛油果酥皮、烟三文鱼迷你麦包、炸龙虾丸及炸奇趣去骨鸡翼。

中层

中层开始有benefit标志嘅食物喇！有青瓜蟹肉沙律、羊奶芝士多士、开心果樱桃挞、开心果草莓慕丝蛋糕及薄荷白朱古力慕丝。

顶层以粉红色甜品为主，好有少女feel！食物有血桃泡芙、棉花糖伴草莓白朱古力酱、玫瑰粉红香槟果冻及朱古力波板糖。

凡享用两位用套餐的食客，可以免费获赠Benefit Cosmetics美妆套装乙份，包括有：毛孔细致霜3毫升、修饰毛孔控油棒体验装、紫兰胭脂水2.5毫升、深层保湿面霜、大放睛采眼线笔体验装及蜜蜡修眉优惠劵，价值超过$220，有得食又有得拎，都几抵丫！

狮子楼

地址：九龙太子道西193号帝京酒店3楼

订座电话：2622 6167

供应日期：2016年1月1日至3月31日

供应时间：下午3时至6时

费用：港币$270 一位用（包一杯特饮）；港币$508 两位用（包两杯特饮）

备注：另加一服务费

欢 迎 关 注 新 假 期 微 信 公 众 号：WeekendWeeklyHK